२०४६ सालदेखी नेकपा एमालेबाट संगठित रुपमा राजनीतिक यात्रा प्रारम्भ गरेपश्चात म अनवरत राजनीतिक जिम्मेवारीमार्फत सामाजिक उन्नयनमा लागिरहेको छु । २०४६ सालमा एमाले सुरी गाउँ कमिटीको सचिव, २०५३ सालमा एमाले दोलखा जिल्ला कमिटी सदस्य हुँदै पोलिटव्युरो सदस्य सम्म रहेँ । २०७० सालको संविधानसभा सदस्य निर्वाचनमा दोलखाबाट निर्वाचित हुँदा निकटतम प्रतिद्धन्द्धी भन्दा ३० हजार बढि मतान्तरले जिजयी भई २०७२ सालको संविधान जारी गर्न एउटा संविधानसभा सदस्यको रुपमा सक्दो भुमिका खेलेँ । यस्तै संविधान कार्यान्वयन पश्चात मुलुक संघिय संरचनामा गएसंगै भएको २०७४ सालको प्रतिनिधिसभा सदस्य निर्वाचनमा ५५ हजार ९ सय ५४ मत प्राप्त गरि निर्वाचित भएँ ।
२०७५ सालदेखी २०७८ सालसम्म नेपाल सरकारको महिला बालबालिका तथा ज्येष्ठ नागरिक र सञ्चार तथा सुचना प्रविधि मन्त्रीको भुमिका कुशलतापूर्वक निर्वाह गर्ने प्रयास गरेँ । दुई वटा मन्त्रालयको नेतृत्व सम्हाल्ने क्रममा भएका कार्यसम्पादन एवम् उपलब्धीहरुप्रति म गर्व गर्दछु ।